අද කාලේ දෙවියන්වහන්සේ තමන්ගේ මැවිල්ලට මොනවද කියන්නේ? සරලවම කිව්වොත් උන්වහන්සේ කියන්නේ, “යේසුස් ක්‍රිස්තුස්වහන්සේ මගේ ප්‍රිය පුත්‍රයාණන්. උන්වහන්සේට ඇහුම්කන් දෙන්න!” කියලයි. අද පරම්පරාවට යේසුස්වහන්සේ මාර්ගයෙන් දෙවියන්වහන්සේ දෙන පණිවිඩයට ඇහුම්කන් දෙන්න බොහෝ දෙනෙක් අකමැති ඇයි කියන එක හිතාගන්න අමාරු නෑ. යේසුස්වහන්සේ තුළ දෙවියන්වහන්සේ දෙන පණිවිඩය නිකම්ම නිකම් පණිවිඩයක් නෙමෙයි; ඒක අපේ ජීවිතේ සදාචාර පැත්තට කරන ප්‍රකාශයක්. ඒක ඇදහිල්ල, හෘදසාක්ෂිය, හැසිරීම, කීකරුකම සහ විශ්වාසවන්තකම වගේ දේවල් එළියට ගේනවා. මිනිස්සු මේ පණිවිඩය ප්‍රතික්ෂේප කරන්නේ බයිබලයේ ඉතිරි සියල්ලම ප්‍රතික්ෂේප කරන එකටම තියෙන හේතුව නිසාම තමයි. මොකද, දෙවියන්වහන්සේගේ සදාචාරාත්මක වචනයට යටත්වෙන්න ඔවුන් කැමති නෑ. සියවස් ගාණක් පුරා දෙවියන්වහන්සේ නොයෙක් විදිහට කතා කළා. උන්වහන්සේ ශුද්ධවූ මනුෂ්‍යයන්ට ආනුභාවය දීලා පොතක පණිවිඩයේ කොටස් ලියන්න සැලැස්වුවා. මිනිස්සු ඒක කැමති නෑ. ඒකෙන් බේරිලා ඉන්න තමන්ගේ උපරිමය කරනවා. මොකද දෙවියන්වහන්සේ ඒක සියලු සදාචාරයේ අවසාන මිනුම කරලා තියෙනවා. කිතුනු ආචාරධර්මවලත් අවසාන මිනුම ඒකම තමයි.

සිතුවිල්ල:
දෙවියන්වහන්සේ කතා කරන්නේ ආලෝකය වන පුත්‍රයාණන් මාර්ගයෙන්. ආලෝකය අඳුරේ තියෙන කැත පාපය එළියට පෙන්වනවා. අපි ඒ ආලෝකය පිළිගෙන ඒකට අපේ ජීවිත විවෘත කරනවා, නැත්නම් අපි ඒකෙන් පැනලා අඳුරේ හැංගෙන්න හදනවා. ඒත් දෙවියන්වහන්සේගේ ආලෝකයෙන් හැංගෙන්න කාටවත් බැහැ.

යාච්ඤාව:
දෙවියන්වහන්ස, මා පරීක්ෂා කරලා මගේ හදවත දැනගන්න. මාව සදාකාලික මාවතේ ගෙන යන්න. යේසුස්වහන්සේ උදෙසා.