අපේ ජීවිත සාමාන්‍යයෙන් හොඳ මට්ටමක තියෙනවා වගේ පෙනුනට, අපි තාමත් නොසැලකිලිමත් සහ කම්මැලි පැති කිහිපයක් තිබිය හැකියි. මේක පාපයක් කියනවට වඩා, අපේ මාංසික ජීවිතයේ ඉතිරිව තියෙන දේවල් නිසා අපි නොසැලකිලිමත් වෙන්න නැඹුරු වෙන එකක්. නොසැලකිලිමත්කම කියන්නේ ශුද්ධාත්මයාණන්වහන්සේට කරන අපහාසයක්. අපි දෙවියන්වහන්සේට නමස්කාර කරන විදිහේවත්, කන බොන විදිහේවත්, අපේ ළඟ නොසැලකිලිමත්කමක් තියෙන්න ඕනේ නැහැ.

දෙවියන්වහන්සේ එක්ක තියෙන අපේ සම්බන්ධතාවය නිවැරදි වෙන්න ඕනේ විතරක් නෙමෙයි, ඒ සම්බන්ධතාවය පිටින් පේන විදිහත් නිවැරදි වෙන්න ඕනේ. අවසානයේදී දෙවියන්වහන්සේ කිසිම දෙයක් මගහැර යන්න ඉඩ දෙන්නේ නැහැ. අපේ ජීවිතේ හැම පුංචි විස්තරයක්ම උන්වහන්සේගේ නිරීක්ෂණයට ලක් වෙනවා. දෙවියන්වහන්සේ අපව ආයෙත් ආයෙත් එකම තැනට ගෙන එනවා. උන්වහන්සේ ඒ පාඩම අපි ඉගෙන ගන්නකල්ම, ඒ එකම තැනට ගෙන එන්න කිසිම වෙහෙසක් නැතිව දිගටම කරනවා. මොකද උන්වහන්සේගේ අරමුණ සම්පූර්ණ නිමැවුමක් බිහි කරන එකයි. සමහරවිට ගැටලුව අපේ හදිසි, හිතුවක්කාර ස්වභාවය වෙන්න පුළුවන්. ඒත් දෙවියන්වහන්සේ ඉතාම ඉවසීමෙන් යුතුව, ආයෙත් ආයෙත් අපව ඒ එකම තැනට ගෙනත් තියෙනවා. නැත්නම් ගැටලුව අපේ අලස, අයාලේ යන සිතුවිලි වෙන්න පුළුවන්. එහෙමත් නැත්නම් අපේ ස්වාධීන ස්වභාවය සහ ආත්මාර්ථකාමීකම වෙන්න පුළුවන්. මේ ක්‍රියාවලිය හරහා, අපේ ජීවිතේ සම්පූර්ණයෙන්ම නිවැරදි නැති එකම දේ අපේ හිතට තදින්ම ගන්න දෙවියන්වහන්සේ උත්සාහ කරනවා.

දෙවියන්වහන්සේගේ මිදීම පිළිබඳ එළිදරව්වූ සත්‍යය ගැන අපි අධ්‍යයනය කරද්දී හරිම ආශීර්වාදජනක කාලයක් ගත කරලා තියෙනවා, උන්වහන්සේ කෙරෙහි අපේ හදවත් නිවැරදියි. උන්වහන්සේ අප තුළ කරන පුදුම වැඩෙන් අපිට තේරෙනවා, සමස්තයක් විදිහට අපි උන්වහන්සේ සමඟ නිවැරදියි කියලා. “ඉවසීමට එහි පරිපූර්ණ ක්‍රියාව කරන්න දෙන්න….” යාකොබ් මාර්ගයෙන් කතා කළ ශුද්ධාත්මයාණන්වහන්සේ කියන්නේ, “දැන් ඔබේ ඉවසීමත් සම්පූර්ණ නිමාවක් වෙන්න දෙන්න” කියලා. ජීවිතේ පුංචි විස්තර ගැන නොසැලකිලිමත් වෙලා, “අනේ, තාවකාලිකව ඔය ඇති” කියලා කියන්න එපා. ඒක මොකක් වුණත්, අපි සම්පූර්ණයෙන්ම උන්වහන්සේගේ වෙනකල් දෙවියන්වහන්සේ ඒක දිගටම පෙන්වලා දෙනවා.

ගීතාවලිය 54-56; රෝම 3

ඔස්වල්ඩ්ගෙන් ප්‍රඥාව

ස්වභාවිකව බැලුවොත්, අපේ හිත ඉක්මනටම කඩලා දාන දෙයක් තවත් නැහැ ක්ෂය වීම තරම්. ශාරීරික සුන්දරත්වය, ස්වභාවික ජීවිතය, මිත්‍රත්වය, ඇසුර—මේ හැම එකම ක්ෂය වෙද්දී කෙනෙක්ගේ හිත වැටෙනවා. ඒත් පාවුලු කියන්නේ, අපි යේසුස් ක්‍රිස්තුස්වහන්සේව විශ්වාස කරනකොට මේ දේවල් නිසා අපි අධෛර්යයට පත් වෙන්නේ නැහැ; ඒවා තුළින් ආලෝකය එනවා කියලා.
උදව් ලැබෙන තැන