இயேசு கிறிஸ்துவுடனான உங்களுடைய வாழ்க்கையை ஏதாவது ஒன்று சிதைக்க ஆரம்பிக்கும்போதெல்லாம், உடனே அவரிடம் திரும்புங்க. உங்களுடைய இளைப்பாறுதலை அவர் மறுபடியும் நிலைநாட்டும்படி அவரிடம் கேளுங்க. உங்களுடைய உள்ளார்ந்த அமைதியைக் கெடுக்கிற எதையும் உங்க வாழ்க்கையில இருக்க விடாதீங்க. உங்க வாழ்க்கையைச் சிதைக்கிற ஒவ்வொரு விஷயத்தையும், நீங்க எதிர்த்துப் போராட வேண்டிய ஒன்றாக நினைங்க. அதை அப்படியே இருக்க விடாதீங்க. ஆண்டவரை பற்றிய உணர்வை உங்களுக்குள் தரும்படி அவரிடம் கேளுங்க. அப்போ உங்களுடைய சுய-உணர்வு மறைந்து போகும். அப்புறம் அவரே உங்களுடைய எல்லாமுமாக இருப்பார். உங்களுடைய சுய-உணர்வு தொடர்ந்து இருக்க விடுறதுல கவனமா இருங்க. ஏன்னா அது மெதுவாகவும் உறுதியாவும் சுய-பரிதாபத்தை எழுப்பும். சுய-பரிதாபம் சாத்தானுக்குரியது. “அவங்க என்னைத் தப்பா புரிஞ்சுக்கிட்டாங்க. இதுக்காக அவங்கதான் என்கிட்ட மன்னிப்பு கேட்கணும். நான் இதை அவங்ககிட்ட ஏற்கனவே தெளிவுபடுத்தியிருக்கணும்”ன்னு உங்க மனசுக்குள்ள சொல்லிக்கொள்ளாதீங்க. இந்த விஷயத்துல மத்தவங்களை அப்படியே விட்டுடக் கத்துக்கோங்க. கிறிஸ்துவைப் பற்றிய உணர்வை உங்களுக்குத் தரும்படி ஆண்டவரிடம் மட்டும் கேளுங்க. உங்களுடைய நிறைவு அவருக்குள் முழுமையடையும் வரை அவர் உங்களை நிலைநிறுத்துவார்.

முழுமையான வாழ்க்கை என்பது ஒரு குழந்தையினுடைய வாழ்க்கை. நான் கிறிஸ்துவைப் பற்றிய என் உணர்வை முழுசா கவனிச்சுட்டே இருந்தா, அங்க ஏதோ தவறு இருக்கு. உண்மையான ஆரோக்கியம் என்னன்னு நன்றாகத் தெரிஞ்சுக்கிறவன் நோயாளிதான். தேவனுடைய பிள்ளை தேவனுடைய சித்தத்தைப் பற்றி அதிகமா கவனிக்க மாட்டார். ஏன்னா அவர் தேவனுடைய சித்தத்திலேயே இருக்கிறார். நாம் தேவனுடைய சித்தத்திலிருந்து சிறிதளவு கூட விலகினதும், “ஆண்டவரே, உங்களுடைய சித்தம் என்ன?”ன்னு கேட்க ஆரம்பிக்கிறோம். தேவன் ஜெபத்துக்குப் பதில் தருகிறார் என்பதைத் தனியாக உணரும்படி, தேவனுடைய பிள்ளை ஒருபோதும் ஜெபிக்க மாட்டார். ஏன்னா, தேவன் எப்போதும் ஜெபத்துக்குப் பதில் தருகிறார் என்கிற அமைதியான உறுதி அவருக்குள் இருக்கிறது.

நம்முடைய சொந்த நியாயமான வழிகளைப் பயன்படுத்தி சுய-உணர்வை மேற்கொள்ள முயன்றால், அது சுய-உணர்வை இன்னும் அதிகமா வலுப்படுத்திடும். இயேசு, “என்னிடம் வாருங்கள்… நான் உங்களுக்கு இளைப்பாறுதல் தருவேன்”ன்னு சொல்கிறார். அதாவது, சுய-உணர்வுக்குப் பதிலாக கிறிஸ்துவைப் பற்றிய உணர்வு வந்துவிடும். இயேசு எங்கே வந்தாலும் அங்கே இளைப்பாறுதலை நிலைநாட்டுகிறார். அது நம்முடைய வாழ்க்கையில் செயற்பாடு நிறைவு பெறுகிற இளைப்பாறுதல். அங்கே சுயத்தைப் பற்றிய உணர்வே இருக்காது.

சங்கீதம் 105-106; 1 கொரிந்தியர் 3

ஆஸ்வால்டிடமிருந்து ஞானம்

நீங்க சந்தோஷமா இருக்கும்போது, சந்தோஷமா இருங்க; சோகமா இருக்கும்போது, சோகமா இருங்க. தேவன் உங்களுக்கு இனிப்பான பாத்திரத்தைக் கொடுத்தா, அதை கசப்பாக்காதீங்க. அவர் உங்களுக்கு கசப்பான பாத்திரத்தைக் கொடுத்தா, அதை இனிப்பாக்க முயற்சி செய்யாதீங்க. வர்றதை அப்படியே ஏத்துக்கோங்க. Shade of His Hand, 1226 L