இயேசு கிறிஸ்துவுக்குள் நாம் ஒரு முழுமையான வாழ்க்கையை வாழணும்னு தான் தேவன் விரும்புறார். ஆனா சில நேரங்கள்ல வெளியிலிருந்து அந்த வாழ்க்கைக்கு தாக்குதல் வரலாம். அப்படி நடக்கும்போது, நம்மை விட்டுப் போயிட்டதா நினைச்ச சுய-பரிசோதனை பழக்கத்துக்குள்ள திரும்பவும் விழுந்துடுறோம். தேவனுக்குள் நம்முடைய வாழ்க்கை முழுமையா இருக்குறதை முதலில் கெடுக்கிறதே இந்த சுய-உணர்வு தான். இது நம்முடைய வாழ்க்கையில தொடர்ந்து ஒரு போராட்டத்தையும் கலக்கத்தையும் உண்டாக்கும். சுய-உணர்வு என்பது பாவம் கிடையாது. அது பதற்றமான உணர்வுகளாலோ, இல்ல திடீர்னு முற்றிலும் புதிய சூழ்நிலைக்குள்ள தள்ளப்பட்றதாலோ கூட வரலாம். ஆனாலும், நாம அவருக்குள்ள முற்றிலும் முழுமையா இருக்கணும்னு தான் தேவனுடைய விருப்பம். அதைவிட குறைவா இருக்குறதைக் அவர் ஒருபோதும் விரும்ப மாட்டார். அவருக்குள்ள நம்முடைய இளைப்பாறுதலைக் கெடுக்குற எதுவும் உடனே சரி செய்யப்படணும். அதை புறக்கணிச்சு விடுறதால அது சரியாகாது. இயேசு கிறிஸ்துவிடம் வர்றதால மட்டும்தான் அது சரியாகும். நாம அவரிடம் வந்து, “என்னுள்ளே கிறிஸ்து-உணர்வை உருவாக்குங்க”னு கேட்டா, நாம அவருக்குள்ள முழுமையா நிலைத்திருக்க கற்றுக்கிற வரைக்கும் அவர் அதை எப்போதும் செய்வார்.

கிறிஸ்துவோடு உங்களுக்கிருக்கிற ஒற்றுமையைப் பிரிக்கிற அல்லது அழிக்கிற எதுவும் உங்க வாழ்க்கையில இருந்தா, அதை எதிர்கொள்ளாம ஒருபோதும் அப்படியே விட்டுவிடாதீங்க. உங்க நண்பர்களுடைய தாக்கமோ, இல்ல உங்க சூழ்நிலைகளோ உங்க வாழ்க்கையைப் பிரிக்க விடாம கவனமா இருங்க. இது உங்க பலத்தைக் குறைச்சு, உங்க ஆவிக்குரிய வளர்ச்சியையும் மந்தப்படுத்திடும். அவரோடு உங்களுக்கிருக்கிற ஒற்றுமையை உடைக்கிற, நீங்க அவரிடமிருந்து தனியா இருக்குற மாதிரி உணர வைக்கிற எதையும் பற்றி எச்சரிக்கையா இருங்க. ஆவிக்குரிய ரீதியில சரியா இருக்குறதை விட முக்கியமானது வேற எதுவுமே இல்லை. அதுக்கு ஒரே ஒரு ரொம்ப எளிய தீர்வு தான் இருக்கு— “என்னிடத்தில் வாருங்கள்….” ஒரு நபரா நம்முடைய அறிவு, ஒழுக்கம், ஆவிக்குரிய ஆழம் எவ்வளவு உண்மையானது என்பதை இந்த வார்த்தைகள் சோதிச்சு அளக்கின்றன. ஆனாலும், நம்முடைய வாழ்க்கையில நாம உண்மையா இல்லாத ஒவ்வொரு விஷயத்திலும், இயேசுவிடம் வந்து அதைச் சரி செய்யுறதை விட, அதை எதிர்த்து வாதிடவே நாம விரும்புறோம்.

சங்கீதம் 103-104; 1 கொரிந்தியர் 2

ஆஸ்வால்டின் ஞானம்

இயேசு கிறிஸ்துவைத் தவறா புரிஞ்சுக்கலாம்னு இருக்கிறது; நமக்கு அப்படி இருக்க முடியாது. நம்முடைய பலவீனம் என்னன்னா, எப்போதும் நம்மை நாமே நியாயப்படுத்த முயற்சிப்பது தான். உதவியின் தலம், 1051 L