சில காரியங்களை நாம் உறுதியோடு தகர்த்தெறியணும். பாவத்திலிருந்து விடுதலை பெறுவதும், மனித சுபாவத்திலிருந்து விடுதலை பெறுவதும் ஒன்றல்ல. மனித சுபாவத்தில் இருக்கிற சில காரியங்களை—உதாரணமாக, தவறான எண்ணங்களை—ஒரு பரிசுத்தவான் வெறுமனே அலட்சியப்படுத்துறது மூலமாகத்தான் அழிக்க முடியும். ஆனால், வேறு சில காரியங்களை நாம் தீவிரமா போராடி அழிக்க வேண்டியிருக்கும். அதாவது, தேவனுடைய ஆவியானவர் நமக்குத் தருகிற அவருடைய தெய்வீக பலத்தின் மூலமாகத்தான் அவற்றை அழிக்க முடியும். சில காரியங்களுக்காக நாம் போராடத் தேவையில்லை, அதற்குப் பதிலா, “அமர்ந்திருந்து, கர்த்தர் செய்யும் இரட்சிப்பைப் பார்க்க…” மட்டும்தான் செய்யணும் (யாத்திராகமம் 14:13 காண்க). ஆனால், “தேவனைப் பற்றிய அறிவுக்கு விரோதமாக” அரணா எழும்புகிற ஒவ்வொரு கொள்கையையும் அல்லது எண்ணத்தையும், நம்முடைய சொந்த முயற்சியினாலோ அல்லது சமரசத்தினாலோ இல்லாமல், தேவனுடைய வல்லமையைச் சார்ந்துகொண்டு உறுதியா தகர்த்தெறியணும் (2 கொரிந்தியர் 10:4 காண்க).

தேவன் நம்முடைய சுபாவத்தை மாற்றி, நாம் பரிசுத்தமாக்குதல் என்ற அனுபவத்துக்குள் நுழையும்போதுதான் உண்மையான போராட்டமே ஆரம்பமாகுது. இந்தப் போராட்டம் பாவத்துக்கு விரோதமானது இல்லை; பாவத்தோடு நம்மால போராடவே முடியாது—இயேசு கிறிஸ்து நம்மை மீட்டபோதே அதை வென்றிருக்கிறார். நம்முடைய இயல்பான வாழ்க்கையை ஆவிக்குரிய வாழ்க்கையா மாற்றுறதில்தான் இந்தப் போராட்டம் நடக்குது. இது அவ்வளவு சுலபமா நடக்காது. அப்படி இருக்கணும்னு தேவனும் விரும்பல. தொடர்ச்சியான ஒழுக்கநெறி சார்ந்த முடிவுகள் மூலமாகத்தான் இது சாத்தியமாகுது. தேவன் நம்முடைய குணத்தை அப்படியே பரிசுத்தமாக்கிவிடுவதன் மூலம் நம்மை பரிசுத்தமாக்குறது இல்லை. மாறாக, தமக்கு முன்பாக நம்மை குற்றமற்றவர்களாக்கி இருப்பதன் மூலமாகத்தான் அவர் நம்மை பரிசுத்தமாக்குறார். அதுக்குப்புறம், நாம் எடுக்கிற ஒழுக்கநெறி சார்ந்த முடிவுகள் மூலமாக, அந்தக் குற்றமற்ற தன்மையை ஒரு பரிசுத்தமான குணாதிசயமாக நாம் தான் மாற்றணும். இந்த முடிவுகள், நமக்குள்ள ஆழமா வேரூன்றியிருக்கிற நம்முடைய இயல்பான வாழ்க்கை முறைக்கு எப்பவும் எதிரா இருக்குது. இவைகள் தான் “தேவனைப் பற்றிய அறிவுக்கு விரோதமா” அரண்களா எழும்பி நிக்குது. நாம் ஒன்னு பின்வாங்கிப்போய், தேவனுடைய ராஜ்யத்துக்கு எந்த பிரயோஜனமும் இல்லாதவங்களா மாறலாம்; இல்லன்னா, இந்த காரியங்களை உறுதியோடு தகர்த்தெறிந்து, இயேசு இன்னொரு மகனை மகிமைக்குள் கொண்டுவர இடம் கொடுக்கலாம் (எபிரெயர் 2:10 காண்க).

நீதிமொழிகள் 3-5; 2 கொரிந்தியர் 1

ஓஸ்வால்டிடமிருந்து ஞானம்

எனக்கு வயசாக வயசாக, நான் இன்னும் மேன்மையானவனா, நல்லவனா, மத்தவங்களுக்கு உதவி செய்றவனா, இன்னும் தாழ்மையுள்ளவனா மாறிட்டு இருக்கேனா? நான் இயேசுவோடு கூடவே இருந்தேன்றதை மத்தவங்க பார்த்து தெரிஞ்சுக்கிற அளவுக்கு என் வாழ்க்கை இருக்கா? இல்ல, நான்தான் பெருசு, என் இஷ்டப்படிதான் நடப்பேன் அப்படின்னு பிடிவாதமா இருக்கேனா? நமக்கு நாமே உண்மையைச் சொல்லிக்கிறது ரொம்பவே பெரிய விஷயம். உதவியின் இருப்பிடம், 1005 R