“அதைக் கேட்ட இயேசு அவளது குமாரர்களிடம், “நீங்கள் என்ன வேண்டுகிறீர்கள் என்பதைப் புரிந்து கொள்ளவில்லை. நான் அனுபவிக்கப்போகும் துன்பத்தை நீங்கள் ஏற்றுக்கொள்ள முடியுமா?” என்று கேட்டார். “ஆம், எங்களால் முடியும்” என்று அவர்கள் பதில் சொன்னார்கள்.”
ஆன்மீகக் குழப்பத்தை கடந்து செல்வது
உங்களுடைய ஆவிக்குரிய வாழ்க்கையில சில நேரங்கள்ல குழப்பம் வரலாம். அந்த குழப்பத்துல இருந்து வெளிய வர்றதுக்கு, “நான் குழம்பக் கூடாது”ன்னு சும்மா சொல்லிக்கிறது மட்டும் போதாது. இது சரி-தப்பு பிரச்சினை கிடையாது; தேவன் உங்களை தற்காலிகமா நீங்க புரிஞ்சுக்க முடியாத ஒரு வழியில கூட்டிட்டு போறாருன்ற விஷயம். அந்த ஆவிக்குரிய குழப்பத்தை கடந்து போனால்தான், தேவன் உங்களுக்காக என்ன வச்சிருக்காருன்றதை நீங்க புரிஞ்சுக்க முடியும்.
**அவருடைய நட்பின் மறைவு** (லூக்கா 11:5-8 பாருங்க). தன்னுடைய நண்பனைப் பொருட்படுத்தாத ஒரு மனுஷனைப் பத்தி இயேசு இங்க ஒரு உதாரணம் சொல்றாரு. பரலோக பிதா சில நேரங்கள்ல உங்களுக்கு இப்படித்தான் தெரிவாருன்னு அவர் சொல்லறாரு. அவர் அன்பில்லாத நண்பர் மாதிரி தோணலாம். ஆனா ஞாபகம் வச்சுக்கோங்க—அவர் அப்படிப்பட்டவர் கிடையாது. எல்லா விஷயத்துக்கும் விளக்கம் கிடைக்கிற காலம் வரும். நம்முடைய இருதயத்தின் நட்புக்கு மேல ஒரு மேகம் மூடியிருக்கிறது போல தோணலாம். அதிகமான ஐக்கியத்தையும் ஒருமைப்பாட்டையும் பெறறதுக்காக, அன்பு கூட சில நேரங்கள்ல வலியோடும் கண்ணீரோடும் காத்திருக்க வேண்டியிருக்கும். தேவன் முழுக்க மறைஞ்சிருக்கிறாரு போல தோணும்போது, நீங்க அவர் மேல நம்பிக்கையோட உறுதியா இருப்பீங்களா?
**அவருடைய பிதாத்துவத்தின் மேல விழுகிற நிழல்** (லூக்கா 11:11-13 பாருங்க). உங்களுடைய பிதா சில நேரங்கள்ல பாசமில்லாத தகப்பன் மாதிரி—அக்கறையற்றவர் மாதிரி தெரிவாருன்னு இயேசு சொன்னாரு. ஆனா ஞாபகம் வச்சுக்கோங்க, அவர் அப்படிப்பட்டவர் இல்லை. “கேட்கிறவன் எவனும் பெற்றுக்கொள்கிறான்…” (லூக்கா 11:10). இப்போ பிதாவோட முகத்துல ஒரு நிழல் மட்டும்தான் உங்களுக்கு தெரியுதுன்னா, அவர் கடைசியில உங்களுக்கு தெளிவான புரிதலை தருவாருன்னும், உங்க வாழ்க்கையில அவர் அனுமதிச்ச எல்லாத்துக்கும் அவரே முழுசா விளக்கம் தருவாருன்னும் உறுதியா பிடிச்சுக்கோங்க.
**அவருடைய உண்மையுள்ள தன்மையின் விசித்திரம்** (லூக்கா 18:1-8 பாருங்க). “மனுஷகுமாரன் வரும்போது பூமியிலே விசுவாசத்தைக் காண்பாரோ?” (லூக்கா 18:8). குழப்பங்கள் இருந்தாலும் அவர்மேல் நம்பிக்கை வைக்கிற மாதிரி விசுவாசத்தை அவர் உங்ககிட்ட காண்பாரா? இயேசு சொன்னது உண்மைன்னு நம்பி, விசுவாசத்துல உறுதியா நில்லுங்க. இப்போதைக்கு தேவன் என்ன செய்றாருன்னு உங்களுக்கு புரியாம இருக்கலாம். ஆனா, நீங்க இப்போ அவர்கிட்ட கேட்டுட்டு இருக்கிற விஷயங்களை விட, உங்களுக்காக அவர் வச்சிருக்கிற காரியங்கள் இன்னும் பெருசு.
நீதிமொழிகள் 13-15; 2 கொரிந்தியர் 5
ஆஸ்வால்டிலிருந்து ஞானம்
உண்மைத்தன்மைன்னா, வெளித்தோற்றமும் உண்மையான நிலையும் துல்லியமா ஒரே மாதிரி இருப்பது தான். மலைப்பிரசங்கத்தின் படிப்பினைகள், 1449 L
Join the Community Conversation
Please login to share your thoughts, comments, and replies.