මේ ළඟකදී ඉඳන් ඔබේ ජීවිතේට “බෙත්ලෙහෙමේ ළිඳෙන් ගත් වතුර” වගේ වුණේ මොනවාද? ඒ ආදරයද, යාළුකමද, නැත්නම් මොකක් හරි ආත්මික ආශීර්වාදයක්ද (2 සාමුවෙල් 23:16)? ඒ දේ මොකක් වුණත්, ඔබේම ආත්මයට හානියක් වෙන්නත් ඉඩ තියෙද්දී පවා, ඔබ ඒක ගත්තේ නිකම්ම ඔබවම සතුටු කරගන්නද? එහෙම නම්, ඔබට ඒක “ස්වාමීන්වහන්සේට” වත් කරන්න බැහැ. ඔබටම සතුට ලැබෙනවා කියලා ඔබ ආශා කරන දෙයක්, දෙවියන්වහන්සේ වෙනුවෙන් වෙන් කරන්න ඔබට කවදාවත් බැහැ. දෙවියන්වහන්සේගෙන් ලැබුණු ආශීර්වාදයකින් ඔබවම සතුටු කරගන්න ඔබ උත්සාහ කළොත්, ඒකෙන් ඔබ පිරිහෙනවා. සාමාන්‍ය බුද්ධියෙන් බැලුවොත් ඒක නිකම්ම මෝඩ නාස්තියක් වගේ හිතුණත්, ඔබ ඒක දෙවියන්වහන්සේට පූජාවක් විදිහට වත් කරන්නම ඕනේ.

ස්වභාවික ආදරය සහ ආත්මික ආශීර්වාද මම කොහොමද “ස්වාමීන්වහන්සේට” වත් කරන්නේ? ඒකට තියෙන්නේ එකම එක ක්‍රමයයි. මම මගේ හිතෙන් ඒකට තීරණයක් ගන්න ඕනේ. දෙවියන්වහන්සේව නොදන්න කෙනෙක්ට, අනිත් අය කරන සමහර දේවල් කවදාවත් ලැබෙන්න බැහැ. මොකද ඒවාට මනුෂ්‍යයෙක් විදිහට ප්‍රතිඋපකාර කරන එකම බෑ. මට මොකක් හරි දෙයක් දරාගන්න බැරි තරම් පුදුමයි කියලත්, ඒක ලබන්න මම සුදුසු නැහැ කියලත්, ඒක මනුෂ්‍යයෙක්ට ගැළපෙන දෙයක් නෙමෙයි කියලත් මට තේරුණු ගමන්, මම ඒක “ස්වාමීන්වහන්සේට” වත් කරන්න ඕනේ. එතකොට මට ලැබුණු ඒ දේවල්ම මගේ වටපිටාවේ “ජීවනදායක වතුර ගලායන ගංගා” වගේ ගලායන්න පටන්ගන්නවා (යොහන් 7:38). මම ඒ දේවල් දෙවියන්වහන්සේට වත් කරන තුරු, ඒවා ඇත්තටම මම ආදරය කරන අයටත්, මටත් අනතුරක්. මොකද ඒවා තෘෂ්ණාවක් බවට පත්වෙන්න පුළුවන්. ඔව්, පිළිකුල් සහගත හෝ පහත් දේවල් නැතුවත්, වැරදි ආශාවන් ඇති වෙන්න පුළුවන්. ආදරය වුණත් “ස්වාමීන්වහන්සේට” වත් කරලා වෙනස් වෙන්න ඕනේ.

ඔබ තිත්ත වෙලා, කහට ගිහින් තියෙනවා නම්, ඒකට හේතුව දෙවියන්වහන්සේ ඔබට දුන්න ආශීර්වාදය ඔබ තනියම තියාගත්ත එකයි. හැබැයි ඔබ ඒක උන්වහන්සේට වත් කළා නම්, ඔබ මේ ලෝකේ ඉන්න අතිශය මිහිරිම කෙනා වෙන්න තිබුණා. ඔබ නිතරම ආශීර්වාද තනියම තියාගෙන, කිසිදා කිසිම දෙයක් “ස්වාමීන්වහන්සේට” වත් කරන්න ඉගෙනගන්නේ නැත්නම්, අනිත් අයට ඔබ තුළින් දෙවියන්වහන්සේ ගැන තියෙන දැක්ම පුළුල් වෙන්නේ නැහැ.

ගීතාවලිය 140-142; 1 කොරින්ති 14:1-20

ඔස්වල්ඩ්ගෙන් ලැබෙන ප්‍රඥාව

අපේම කැමැත්තට ගැළපෙන විදිහට දෙවියන්වහන්සේගේ වචනය දියාරු කරන්න හදන එක තමයි අපේ අනතුර. දෙවියන්වහන්සේ කවදාවත් උන්වහන්සේගේ වචනය මට ගැළපෙන විදිහට සකස් කරන්නේ නැහැ; උන්වහන්සේ කරන්නේ මාව උන්වහන්සේගේ වචනයට ගැළපෙන විදිහට සකස් කරන එකයි. Not Knowing Whither, 901 R